Xhami

Xhamia qendrore në Këln të Gjermanisë tërheq vëmendjen e vizitorëve

880views

Xhamia qendrore e Këlnit në Gjermani e ndërtuar nga Bashkësia Islame Turke për Çështjet Fetare (DITIB) me arkitekturën e saj moderne tërheq vëmendjen e shumë vizitorëve, raporton Anadolu Agency.

Xhamia vizitohet nga muslimanë të Gjermanisë dhe shteteve të tjera të Evropës, grupe shkollore dhe turistë që e vizitojnë Këlnin. Ata informohen lidhur me xhaminë nga telogë ekspertë.
Xhamia, e cila tani bën pjesë në mesin e simboleve të qytetit të Këlnit, një nga qytetet më të vjetra të Evropës, ka shfaqur një interesim të madh nga muslimanët e të gjitha vendeve të Evropës. Ajo sidomos po mbushet në kohët e namazeve të Bajramit dhe të xhumave.
Kryetari i Përgjithshëm i DITIB, Prof. Dr. Nevzat Yasar Asikoglu bëri të ditur se kjo xhami, që nga hapja e saj më 9 qershor, është vizituar nga më shumë se 10 mijë persona.
Ai bëri të ditur se vizitorët ndahen të kënaqur nga vizita e tyre. “Edhe muslimanët por edhe vizitorët e feve të tjera thonë se janë të impresionuar më shumë nga dekorimet e brendshme të xhamisë”, tha Asikoglu.