Personalitete

Muslimanja shpallet “heroina e vitit 2017” në Suedi

Fatma Ipek Alci e cila është me orgjinë nga Turqia është shpallur “heroina e vitit 2017” në Suedi.

Nëna e 7 fëmijëve u votua më shumë nga publiku për të fituar çmimin “Heroi i Vitit” në kategorinë “Drita Udhëzuese”, një konkurs i organizuar nga gazeta prestigjioze suedeze, “Aftonbladet”.

Fatma u zhvendos në Suedi rreth 30 vite më parë duke ndërtuar jetën e saj atje së bashku me familjen. Ajo krijoi një shoqatë për mbrojtjen e grave të moshës së mesme dhe u angazhua gjithashtu për ruajtjen e sigurinë në komunitetin dhe lagjen e saj.

“Unë po e marrë këtë çmim në emër të grave turke”, tha 63-vjeçarja gjatë ceremonisë së shpërblimeve për heronjtë e vitit 2017 në Suedi. Ceremonia u organizua në Stokholm dhe u ndoq nga emrat më të rëndësishëm të politikës, artit dhe sportit në Suedi.

Fatma Ipek Alci u përgëzua veçanërisht nga zëvendëskryeministri dhe ministri i Arsimit të Suedisë, Gustav Fridolin, si dhe nga trajneri i kombëtares suedeze të futbollit, Jan Olof Andersson./GI/.