AktualiteteGlobus

Arabia Saudite shpall përfundimin e Haxhit, bilanci i sivjetshëm i suksesshëm

Zyrtarët në Arabinë Saudite kanë deklaruar fundin e suksesshëm të Haxhit të sivjetshëm, i cili ka mbledhur rreth 2.3 milionë myslimanë nga e gjithë bota.

Princi Khalid al-Faisal, i cili ka udhëhequr komitetin e qeverisë për mbikëqyrjen e Haxhit, tha se rituali ka tërhequr njerëz për 30 përqind më shumë se vitin e kaluar dhe se ngjarja pesëditëshe ka kaluar pa probleme, njofton “REL”.

Në vitet e fundit, Haxhin e kanë përcjellë trazira, zjarre dhe rrëmuja vdekjeprurëse të turmave.

Në vitin 2015, rreth 2,300 besimtarë kanë vdekur nga ikja e turmave në Mekë.

Ja edhe disa të dhëna shtesë, sa i përket Haxhit 2017:

Sipas të dhënave të sakta, në këtë vit Haxhin e kanë kryer 2.352.122 haxhilerë, kurse prej tyre 1.018.042 kanë qenë gra.

Nga Evropa ka pasur 84.894 haxhilerë, kurse vetëm nga Azia 1.042.335.

Ajo që bie në sy është numri i rritur i grave që vendosin të kryejnë Haxhin. Për ta haxhi konsiderohet me vlera të veçanta, sepse Muhammedi a.s. ka thënë se haxhi për gratë është xhihad.

Përndryshe, Haxhi njihet si shtylla e pestë e Islamit dhe është një detyrë fetare për të gjithë besimtarët, burra dhe gra, që mund ta përballojnë udhëtimin, si në aspekt ekonomik, ashtu edhe në atë fizik.

(Breziiri)